Ramos Horta Dehan PSHT ba Rein Ema Nia Ain Foer iha Atanbua

 

Kandidatura Presidente Repúblika Jose Manuel Ramos Horta, lamenta tebés ho artemacial Persaudaraan Setia Hatih Teratai (PSHT) ne’ebé kunhesido iha Timor-Leste bolu 22 tanba rein no ba hakneak iha Atanbua Indonesia.

“Artemarcial liliu PSHT ba hakneak (no) rein ema nia ain iha Atanbua/Indonesia ne’eba, iha Kupang,” deklarasaun José Ramos Horta iha media nacional ne’ebé Politica Timor asesu.

Ramos Horta hatete, Timor-oan sira ne’ebé mak involve iha PSHT la hatudu orgulho ba sira nia na rasik, la fiar sira nia rasik, tanba rein fali ema nia ain iha Atanbua Indonesia.

“Timor-oan que lahatudu orgulilho ba sira nia rain, ba sira nia an rasik, ba fali rein fali ema nia ain foer iha Atanbua ne’eba,atus ba atus,” dehan Ramos.

Jose Ramos Horta haluha katak, artemacial hanesan PSHT mos iha tempu rezistensia kontribui ba luta libertasaun nasional.

 Deklarasaun Ramos Horta nian ne’e hatudu katak, se nia mak eleito ba Presidente Repúblika nia sei la fó solusaun ba grupu artemarcial ne’ebé mak ejiste iha Timor-Leste.

Bainhira Ramos Horta eleito nia sei sai kabalu mandadu CNRT nian hodi taka fali grupu artemarciais sira atu halo sira nia aktividade.

Iha Primeiru Ministru Sr. Taur Matan Ruak nia tempu no Presidente Repúblika Dr. Francisco Guterres Lú-Olo nia tempu mak loke hikas aktividade artemarciais hanesan PSHT,Kera Sakti no KORKA para halo aktividade treinu.

Se hakarak PSHT,Kera Sakti no KORKA taka entaun vota Ramos Horta maibé hakarak artemarciais tolu ne’e loke nafatin entaun Vota Lú Olo.

Ekipa Susesu LAT Konsidera Informasaun Taka Odamatan ba Dr. Mari ‘Falsu’

 

Ekipa susesu candidatura Lere Anan Timur (LAT) desmente informasaun ne’ebé fó sai iha publiku katak, Tanente Jeneral Lere Anan Timur, taka odamatan ba Dr. Mari Alkatiri wainhira halo vizita kortezia ba nia rezidensia, ne’e sala no falsu media mak hakarak halo konfuzaun.

Ekipa susesu LAT hatete, informasaun sira ne’e lalos no falsu tanba situasaun lolos laos hanesan ne’e,

“Kona-ba sirkunstasia horseik ne’e,vizita supreza ida husi Dr. Mari (Alkatiri) ba iha uma (eis) Tanente Jeneral Lere nian iha Farol, depois que sai fali konfuzaun balun iha publiku hatete katak, Sr. Jeneral Taka odamatan no Sr, Jeneral lakohi simu, ne’e laos kondisaun real, ne’e laos saída mak akontese,” dehan responsável  ekipa susesu liu husi konferensia ba imprensa 22 Marco 2022 iha Pantai Kelapa.

Saída mak akontese, Ekipa Susesu LAT hatete, Sr. Tanente  Jeneral Lere ema ida ne’ebé gosta hader sedu, tanba ne’e tuku 5 dader Nia  hader tiha ona ba nia toos iha Metinaro.

“Aktividade campainha ne’e han tempu barak, tanba Nia (Sr.Tanente Jeneral Lere)  la bah are nia toos, iha Metinaro, portanto Nia aproveita nia tenpu horseik nia ba tiha Metinaro, ba silu batar,” dehan Ekipa Susesu.

Protavos ekipa susesu ne’e dehan, tuku lima dader  Sr. Eis Tanente Jeneral Lere ba tiha ona toos depois tuku 7 Otl, mak Dr. Mari ba vizita nia rezidensia, infelizmente Sr. Jeneral laiha fatin, laos dehan taka odamatan.

“Laos Sr. (Tanente) Jeneral mak lakohi simu, maibé Sr. (Tanente) Jeneral (Lere Anan Timur) sai tiha ba Metinaro mak Dr.Mari mai,” esklarese ekipa susesu.